| 又再一次記得我唔開心既野啦......近排又再發生我唔想發生既事.....我真係好唔想返去一年前果時既感覺.....好辛苦..好唔開心..好驚.....百感交集...........!!! 我每一日都見到你個擔心樣...你就每一日都同我講 "唔洗擔心...無事既...!!!". 但你每一次講依句說話俾我聽...我個心都好酸...好擔心....因為你個樣話左俾我知你係好擔心但又唔想我擔心.......係依個時候...我真係覺得自己好無用呀.......我咩都幫唔到你...我每一日都只係係度不停咁諗...根本無去做一d可以幫到你既野.....好無用呀....!!!!!!!!!!!!!!!!!!!!!!!!!! 算啦....唔想打落去啦.........!!!!! |
| |
| 今日心血來潮，周圍睇人地既Xange，無意中俾我睇到我妹妹個Xange，原來我妹妹好多野我而家先，係咪我同佢既溝通唔夠呢?定係我妹妹唔想同我分享呢?? 哈哈!!我好似講到好嚴重咁tim!!我一直咁睇落去，一共睇左3年既日記，我一路睇一路又笑又喊咁，原來係依3年屋企發生左好多事，可能係簡單既一句已經令到我諗起好多野，係妹妹依個日記將我既回憶勾起，尤其係今年既日記，令到我兩行眼淚不受控制地流出黎，我真係覺得今年所發生既事令到我地一家人既感情好左好多，亦令到我覺得我地一家人係好團結嫁，有咩事都唔會難到我地一家人！！ |
| |
| 都有一段時間無寫過日記啦，我個日記就好似幫我記住我不愉快既經歷，令到個Xange無一樣係好咁。但唔知咩原因每當我有不愉快同很多說話想講出口既時侯，我就會第一時間諗起我既Xanga，人地Xanga就記低所有野，而我呢個就專係記我不愉快既事。 我有時睇到人地寫日記寫得好靚，用字好文雅，好想去學人地點寫，不過好可惜我讀得書少唔識去運用。只好怪自己當年唔俾心機讀書啦，哈哈！！ 寫到依度我又好似唔知想講咩咁，點解我會咁嫁！！真係勁無用呀！！ 係無寫日記依段時間，真係好多野都改變晒，無論我既事業同家庭都改變左好多，點解我每一次都係咁無用，應該講出口既又唔講，最終唔開心或者辛苦既都係自己，定係我既性格係咁呢？究竟咁係好事定係壞事呀？我有好多說話好想同一個人講，但係我真係無咁既勇氣去同佢講，假如講左出黎會令到你唔開心既，我寧願我自己承受晒所有唔開心，都唔想見到你有唔開心既一刻。好似講到自己好偉大咁tim！根本就係自己唔夠膽！ 你成日都話可以見到我有煩惱有野唔開心，我果刻真係好驚，驚既原因係驚俾你睇到我心諗咩之後連朋友都無得做，但我又好想同你講我個心點諗，好大既矛盾。哈哈！！我諗我而家可以做既只可以係你身邊陪住你或者當你有困難既時候去幫你解決問題！！可能我咁做你會比較開心！人地話咁做唔係人人都做到，其實我都唔知我可唔可以做到，但係係依刻我希望盡我全力去做好依件事。 |
| |
| 係時候又要打xanga啦、屋企既事情終於叫做告一段落啦，大部份既事情都叫做完晒，都可以話放下心頭大石啦，不過回顧番過去一個月，這健事令到閏企人更加團結，更加齊心！！但係係4、5月真係好似無番過工咁、但係我d錢好似倒水咁倒晒、所以d朋友仔叫我出街去玩我都要考慮清楚應唔應該去。但係最主要係我有無心情去玩就真既！ 我咁大過仔都未試過病成個星期、原來真係好辛苦嫁！！我以後真係要好好保重自己既身體先得啦，唔可以再病嫁啦！ 唔知點解近來開始有d擔心自己既前途，我好似有口話人無口話自己咁，我應該好好咁檢討下同埋好好咁去安排下自己既前途啦！！依排個個老闆都問我你有咩時間可以幫忙，好似個個都搵我笨咁，個個都想我俾晒d時間佢，我識分身就好啦！哈哈！！ |
| |
| 又再一次好耐無打日記啦，耐到連xanga變到咁我都唔知呀，我又要再一次話俾我d朋友仔聽，我係有update我既xanga嫁，哈哈！！ 依排d感覺好差，都唔知點去形容好呀，d差既感覺黎自工作、朋友、屋企人啦！！有咩辦法可以無晒d咁差既感覺呀！好唔鐘意咁呀！！好彩有女朋友係身邊支持我咪真係唔知點頂得住呀！！ 有d野呢！！係度果陣時你唔會點去特別咁去理，但係有起事上黎你就會好緊張............ 唉.....我都唔知自己講緊咩啦........仲知就唔開心、好煩啦！！ |
| |
